佛系买表效果反而好 入手劳力士无历黑水鬼

以前总觉得买表系一件很傻b嘅事，有钱买砖头仲好啦。随住做我地呢一行越耐，就会发现身边嘅行家今日仲好地地，点知第二日就走左佬。不禁想到，万一有一日我需要走佬嘅时候，有咩可以变现呢？人对事物嘅认知系会变的，好似黄子华甘，系N年前嘅栋笃笑仲讲紧：劳力士边系我地呢d劳动人民戴噶！佢今年嘅栋笃笑反而话：劳动人民紧系戴劳力士啦！ 系佢嘅启发下，我开始去了解劳力士系一个点样嘅品牌，发现……原来劳力士系比较容易变现（请原谅我嘅肤浅）。有只捞，筹钱唔使四围Go！之后我问左有N只捞嘅亲戚，佢话，要买就买Daytona，绝对保值。

于是我开始逛论坛，问国外嘅朋友，游晒Tst和Mk嘅授权店（本人在HK搬砖），发现公价买钢版Daytona是一件不可能的事，而亲戚嘅熊猫迪又系之前卖左了。所以我放弃短期入手Daytona嘅想法转战水鬼，系水鬼入面我睇岩无历，主要因为我懒，怕调日历。论坛嘅各位师兄都话无历唔难买，多d行下就会见到，于是我又行晕一次HK的授权店，都系无货。无奈之下我问左几个HK嘅朋友，X子有水货，无历超公价7000大洋（痴9线！）。系听到价钱嘅一霎那，我发现俗语讲得岩：可以用钱解决嘅问题都唔系问题，关键系“无钱”！所以我开始了佛系买表之旅，每次行过一间授权店就问下，顺便留低电话排队。 

幸福总是在不经不觉中来临，让你措手不及……系我准备回老家欢度国庆嘅时候，突然收到Tst一间授权店嘅电话，有一只无历到货，问我是否今日取？What？R u kidding me？我排队先排左3日，就有货？我二话不说，直奔该店拉卡，截表带，收保卡，走人！望住手上只表，我突然充满斗志，以后走佬唔使惊了，有咩唔掂，有野卖了，至少唔使食消化饼度日子！ 感谢大家看晒呢篇粤语嘅牢骚认证，祝大家好运连连，买到心头好！